By Photographs and Text by IVOR PRICKETT from NYT World https://ift.tt/2FOISWP
via IFTTT
Sunday, May 6, 2018
Tuesday, April 12, 2016
दुर्घटना गरी भाग्नेलाई पछ्याउन प्रहरीका यस्ता बुलेट मोटरसाइकल
चैत्र २९, २०७२- सवारी दुर्घटना गरेर तपाईं भाग्न खोज्दै हुनुहुन्छ ? जहाँ पुगे पनि तपाईंलाई ट्राफिक प्रहरीको मोटरसाइकलले पछ्याउने छ । दुर्घटना गराएर भाग्ने सवारीचालक समात्न उपत्यका ट्राफिक प्रहरी महाशाखाले ‘मोटरसाइकल विशेष ईकाई’ गठन गरेको छ । उक्त ईकाईले सवारी दुर्घटना गरी भाग्ने चालकलाई पक्रेर कानुनी कारबाहीको दायरामा ल्याउने छ ।
महाशाखाका डीआईजी प्रकाश अर्यालले सडक दुर्घटनालाई न्यूनीकरण यसले सघाउने बताए । ‘उपत्यकामा जति जनसंख्याको चाप बढदै जान्छ, त्यहीअनुसारको सवारीको संख्या बढ्छ, दुर्घटना गराउने र भग्ने क्रम पनि बढ्छ,’ उनले भने, ‘नयाँ विधि र तरिका अपनाएर दुर्घटना न्यूनीकरण गर्न अभियान चलाएका हौं ।’ ‘सुरक्षाका लागि तपाईंको, गति बढदै छ.....’ भन्ने नारासहित अभियान सुरु गर्न थालिएको हो ।
उपत्यका मुख्य–मुख्य चोकमा मोटरसाइकलसहितका ट्राफिक प्रहरीलाई तयारी अवस्थामा राखिने छ । यसका लागि प्रहरी प्रधान कार्यालयले ५ सय सीसीका १७ वटा बुलेट मोटरसाइकल उपलब्ध गराएको छ ।
सडक लेन मिच्नेलाई कारबाहीका लागि पनि मोटरसाइकलको प्रयोग गरिने भएको छ । ‘दुर्घटना गराएर भाग्ने प्रवृत्ति निरुत्साहित गर्न अभियान चलाएका छौं,’ उनले भने, ‘नागरिक सुरक्षा दिनु हाम्रो कर्तव्य हो ।’ चैत ८ देखि सञ्चालन भएको लेन अनुशासन कारबाहीमा ६ हजार ४ सय ३५ जना परिसकेको डीआईजी अर्यालले बताए ।
डिग्रीलाई १० लाख, स्नातकलाई ७ लाख र प्लस टुलाई ५ लाख
सत्तारुढ नेकपा एमाले निकट विद्यार्थी संगठन अनेरास्ववियुले शैक्षिक प्रमाणपत्र धितो राखेर ऋण पाउनु पर्ने माग राखेका छन् । अवसर र लगानीको अभावमा दक्ष जनशक्ति विदेश पलायन भएको भन्दै अनेरास्ववियुले प्रमाणपत्र धितो राखेर ऋण पाउनु पर्ने माग राखेको हो । सिंहदरबारमा सोमबार अर्थमन्त्री विष्णु पौडेल ज्ञापनपत्र बुझाउदैं अनेरास्ववियुले आगमी बजेटमा यस्तो प्रबन्ध गर्न माग राखिएको अध्यक्ष नविना लामाले नयाँ पेजलाई बताईन् । स्नातकोत्तर तह उत्र्तीण गरेकालाई रु दश लाख, स्नातक उत्र्तीण गरेकालाई रु ७ लाख र प्लस टु गरेकालाई रु पाँच लाख उपलब्ध गराउन माग राखिएको उनले जानकारी दिइन् । उनले भनिन्,‘यदि यसो गरि दक्ष जनशक्ति नेपालमै बस्नेछन् । र, मुलुक निर्माणमा सहभागी हुनेछन् ।’
शैक्षिक प्रमाण पत्र राखेर धितो पाउने व्याबस्था जसरी पनि गराउने उनको अठोट छ । उनले भनिन्,‘हामी जसरी पनि यो अभियानलाई जसै सफल बनाउनेछौं ।’ यो अभियानको लागि सबै पक्षसँग समन्वय र छलफल गरिने उनको भनाई छ ।
अनेरास्ववियुले आगामी बजेटमा कम्तिमा पनि २५ प्रतिशत बजेट शिक्षामा छुट्याउन माग पनि गरेको सचिव आरसी लामीछानेले बताए । दक्ष जनशत्ति विना मुलुकको समृद्धि सम्भव नरहेको भन्दै उनले समृद्धिको लागि शिक्षामा लगानी आबश्यक भएको बताए ।
अर्थमन्त्री पौडेलले ज्ञापनपत्र बुझ्दै अनेरास्ववियुको माग सकारात्मक भएको बताए । उनले कार्यान्वयन गर्न पहल गर्ने जानकारी दिएको महासचिव ऐन महरले जानकारी दिए । – नयापेज
मलेसियामा ताताेहावाकाे त्राहिमाम : नेपाली कामदारहरू प्रभावित : सयाैँ बिद्यालयहरू बन्द
क्वालालम्पुर । तातो हावाका कारण मलेसियामा पनि प्रभाव परेको समाचार छ । तातो हावा चलेपछि सडकमा निस्किन निकै गाह्रो भएको बताइएको छ । जसका कारण मलेसियाका सयौं विद्यालय बन्द गरिएको छ । विश्वव्यापी रुपमा बढेको तापक्रमका कारण खाद्य उत्पादनका साथै अन्य जीवनशैलीमा पनि प्रभाव परेको समाचारमा उल्लेख गरिएको छ ।
मलेसियाको पलिएस् र पाहाङ क्षेत्रमा कम्तीमा ३७ डिग्री तापक्रम पुगेको छ । ती क्षेत्रको तापक्रम निरन्तर रुपमा बढ्दो मात्रामा देखिएको छ । जसका कारण ती क्षेत्रका २५० भन्दा बढी स्थानीय विद्यालय बन्द गर्न लगाइएको बताइएको छ । मलेसियाको शिक्षा मन्त्रालयले सो जानकारी दिएको हो ।
सो मन्त्रालयले ती क्षेत्रमा रहेका एक लाख भन्दा बढी विद्यार्थीको स्वास्थ्यलाई ध्यानमा राखी उक्त निर्णय गरिएको जनाएको छ । मलेसियाली सरकारी समाचार समिति, बर्नामाले दिएको जानकारीअनुसार ती क्षेत्रमा नागरिकको स्वास्थ्यमा व्यापक मात्रामा प्रभाव परिरहेको छ ।
यसका कारण गहुँको खेती, रबर प्लान्टको उत्पादन र हरियो तरकारीको उत्पादनमा पनि प्रभाव परेको छ । उत्पादनमा कमी आएको र यसले गर्दा तरकारीमा महङ्गी सुरु भएको जनाइएको छ ।
मलेसियाका विभिन्न भूभागमा गएको जनवरी र फेब्रुअरी महिनामा विगतका वर्षहरुको तुलनामा तापक्रममा निकै बृद्धि भएको छ । यसवर्ष ३७ डिग्री सेल्सियस पुगेको सो क्षेत्रको तापक्रम यसअघि कहिल्यै त्यति पुगेको थिएन । यसवर्ष विश्वका अरु पनि कैयौं देशमा एलनिनोको प्रभाव र जलवायुमा भएको अस्वाभाविक परिवर्तनले गर्दा तातोपनामा बृद्धि जारी रहेको छ ।
नयाँ वर्षमा नेपाल टेलिकमको छुट
फोटो :फाइल
काठमाडौँ: नेपाल टेलिकमले नयाँ वर्ष २०७३ को अवसरमा ग्राहकलाई विभिन्न सेसामा विशेष छुट उपलब्ध गराउने भएको छ । टेलिकमले जिएसएम तथा सिडएमए मोबाइल सेवामार्फत कम्पनीकै नेटवर्कभित्र हुने एसएमएसको महसुल दरमा छुट दिने तयारी गरेको हो ।
चैत ३० देखि २०७३ वैशाख १ गतेसम्म दुई दिनका लागि एसएमएसको विद्यमान महसुल दरमा ५० प्रतिशत छुट उपलब्ध गराउने छ ।
जिएसएम प्रिपेड र पोस्टपेड सेवाका ग्राहकलाई ति प्याकेज तीन दिनका लागि चैत ३० देखि २०७३ वैशाख २ गतेसम्म उपलब्ध गराइने टेलिकमका प्रवक्ता प्रतीभा वैद्यले जानकारी दिए ।
टेलिकमले डाटा सेवाअन्तर्गत १०० एमबी साइजको डाटा ५० मा खरिद गरी ७ दिनसम्म प्रयोग गर्न सकिने जनाएको छ । रासस
खोटाङबाट काठमाडौं आउदै गरेको यात्रुबस दुर्घटना, १३ जनाको मृत्यु
Subscribe to:
Posts (Atom)