खोटाङबाट काठमाडौं आउदै गरेको यात्रुबस दुर्घटना, १३ जनाको मृत्यु

३० चैत, काठमाडौं । खोटाङबाट काठमाडौं आउदै गरेको यात्रुबस दुर्घनामा परेको छ । खोटाङ महादेवस्थान-१ काभ्रेमा यात्रुवाहक बस दुर्घटना हुँदा १३ जनाको मृत्यु भएको खोटाङ प्रहरीले जनाएको छ । दिक्तेलबाट काठमाडौंका लागि छुटेको बा २ ख ६३७६ नम्बरको बस विहान महादेवस्थान-१ काभ्रेको भिरबाट खसेको हो । विहान ५ बजे काठमाडौंका लागि छुटेको यात्रुवाहक बस बाटोबाट झन्डै तीन सय मिटर तल खसेको छ । घटनास्थलमा उद्धारको लागि पुगेको प्रहरी टोलीले १३ जनाको शव निकालेको छ । दुर्घटनामा २१ जना पुरुष र ५ महिला घाइते भएको प्रहरीले जनाएको छ । दुर्घटनास्थल सदरमुकार दिक्तलबाट ३५ किलो मिटर पश्चिमा पर्दछ । दुर्घटनाकाे कारण बारे अनुसन्धान भइरहेको प्रहरीले जनाएको छ ।विहान ५ बजे काठमाडौंका लागि छुटेको यात्रुवाहक बस बाटोबाट झन्डै तीन सय मिटर तल खसेको प्रहरी निरीक्षक सरोज राईले जानकारी दिए। यस्तै घटनास्थलमा उद्धारमा खटिएका प्रहरी जवान खगेन्द्र तोलामीका अनुसार अहिलेसम्म १३ जनाको शव बसबाट निकालिएको छ ।दुर्घटनामा २६ जना घाइते भएका छन् जसमध्ये पुरुष २१ जना र महिला ५ जना रहेका छन् । दुर्घटनास्थल सदरमुकार दिक्तलबाट ३५ किलो मिटर पश्चिमा पर्दछ । दुर्घटनाको कारण बारे अनुसन्धान भइरहेको प्रहरीले जनाएको छ । बसमा ४० भन्दा बढी यात्रु सवार थिए। दुर्घटनाको जानकारी पाउना साथ प्रहरीको टोली घटनास्थलमा पुगेको र उद्धार कार्य भइरहेको प्रहरीले जनाएको छ।