माइक्रोम्याक्स मोबाइलका संस्थापकमध्येका एक राहुल शर्मासँग बिहे गरेकी असिनले अभिनय छोड्ने निर्णय गरेकी छन्। उनले सामाजिक संजालबाट हाल आफूले कुनै फिल्म गर्न नलागेकोमा स्पष्ट हुन सबैमा आग्रह गरेकी छन। आफ्नो कामप्रतिको लगनशिलताका लागि चिनिने आसिनले बिहेपछी यो निर्णय किन लिइन भन्ने ठोस उत्तर त पाइएको छैन् तर, बिबाहपछि बलिउड छोड्ने उनी पहिलो अभिनेत्री भने होइनन्।
असिन अगाडी पनि थुप्रै चर्चित अभिनेत्रीहरूले बिहेपछि बलिउड छाडेका छन्:
संगिता बिजलानी:
९० को दशकमा आफ्नो सुन्दरता र अभिनयका लागि चर्चित संगिता २० वर्षको उमेरमा सन् १९८० मा मिस इन्डिया बनेकी थिइन्। 'कातिल' फिल्मबाट चलिउडमा डेब्यू गरेकी संगीताले सन् १९९६ मा भारतीय पूर्व क्रिकेट कप्तान मोहम्मद अजहरूद्दीनसँग बिहे गरिन। त्यसपछि उनी बलिउडमा फर्किनन्। हाल उनको सम्बन्ध विच्छेद भइसकेको छ।
मिनाक्षी शेषाद्री: घायल, दामिनी, घातक जस्ता सुपरहिट फिल्मकी अभिनेत्री रहेकी मिनाक्षीले करियरको उच्चतम लयमा रहेको बेलामा बैंकर हरिश मैसुरसँग बिहे गरिन् र बलिउडबाट बिदा भइन्।
किमी काटकर: 'हम' फिल्मको चुम्मा चुम्मा' बोलको गीतका लागि विशेष चर्चित किमीले बलिउडमा 'टार्जन' फिल्मबाट डेब्यू गरेकी थिइन्। सेलिब्रेटी फोटोग्राफर शान्तनु शौरीसँग बिहे गरेपछि उनले पनि फिल्म छाडिन्। हाल उनी अष्ट्रेलियामा बस्छिन्।
नम्रता शिरोड्कर: मिस इन्डिया समेत रहेकी नम्रताले दक्षिण भारतिय स्टार महेशबाबुसँग बिहे गरेपछि बलिउडमा फर्किनन्।
ट्विङ्कल खन्ना: सुपरस्टार अभिनेता राजेश खन्नाकी सुपुत्री जान, जब प्यार किशी होता है, मेला, जोरूका गुलाम जस्ता फिल्ममा अभिनय गरेकी छन्। सन् २००१मा अभिनेता अक्षयकुमारसँग बिहे गरिन् र घरपरिवारमै व्यस्त भइन्।
गायत्री जोशी: शाहरुख खानको जोडी बनेर 'परदेश' फिल्मबाट बलिउडमा डेब्यू गरेकी गायत्रीले व्यापारी विकास ओवरोयसँग बिहे गरेपछि कहिल्यै बलिउडमा फर्किनन्। 'परदेश' उनको पहिलो र अन्तिम फिल्म भयो।
अमृता अरोडा: सन् २००२ मा 'कित्ने दुर कित्ने पास'बाट बलिउडमा डेब्यू गरेकी अमृताको बलिउड यात्रा सुखद् रहेन्। सन् २००९ मा बिहे गरेपछि उनले बलिउडलाई फर्केर हेरिनन्।
No comments:
Post a Comment